Ambasadori i Holandës: Rrini në Kosovë e punoni bashkë

Ambasadori i Holandës, Robert Bosch, u ka bërë thirrje kosovarëve që të mos mësyjnë vendet e perëndimit në kërkim të një jete më të mirë por të qëndrojnë në Kosovë për të punuar për të ardhmen e tyre.

Këtë deklaratë, ambasadori Bosch e ka bërë në ditën kur shteti i Kosovës i mbushi shtatë vjet jetë.

“Urime pavarësinë për tërë popullin e Kosovës. Rrini këtu dhe punoni së bashku për një të ardhme të ndritshme për të gjitha komunitetet”, ka shkruar Bosch në një postim në Twitter të cilit ia ka bashkangjitur një fotografi me flamujt e Kosovës dhe Holandës, të bashkuar pranë njëri- tjetrit./kallxo.com/